Aningaasartuutit tamakkerlugit

Takussutissiaq 1-mi inuussutissarsiornermik ilinniarfinni piginnaanngortitsisuni, ilinniarfinni ingerlaqqiffiusuni kiisalu ilinniartut najugaqarfiinut ilinniagaqarnersiutinullu 2006-miit 2010-mut aningaasartuutit takuneqarsinnaapput.

Najugaqarfinni inuussutissarsiornermik ilinniarfinnut aningaasartuutit Namminersornerullutik/Namminersorlutik Oqartussat aamma kommunit avittarpaat, init ilinniartitsiviusut, ilinniartitsivinni atortussat, allaffissorneq, sulisunut najugaqarfiit kiisalu ilinniartut ineqarfiisa ingerlanneqarnerat kommuninit akilerneqartarput.

Inuussutissarsiornermik ilinniarfinnut aningaasartuutit tamakkerlugit, Peqqissaanermik Ilinniarfimmut aningaasartuutit ilanngullugit takussutissiami takuneqarsinnaapput.

Ilinniartut ineqarfiinut ilinniartut akiliutaat ilanngaatigereerlugit aningaasartuutit.

Takussutissiami aamma takuneqarsinnaapput ilinniagaqarnersiutinut aningaasartuutit, ilinniagaqarnersianut ilaatinneqarput Kalaallit Nunaanni, Danmarkimi nunanilu allani ilinniarfinni allani ilinniartunut immikkut aningaasaliissutit.

Takussutissiaq 1

Inuussutissarsiornermik ilinniarfinnut piginnaanngortitsisunut aningaasartuutit

	2004	2005	2006	2007	2008	2009	2010	2011
	Mio. kr.
Ingerlatsinikkut sanaartornikkullu aningaasartuutit Katillugit	419,0	464,8	517,5	545,7	539,2	625,7	661,6	624,3
Sanaartukkanut aningaasartuutit katillugit	5,2	32,9	60,6	75,6	33,6	69,2	67,3	31,3
Ingerlatsinermi aningaasartuutit katillugit	413,8	431,9	456,9	470,2	505,5	556,5	594,4	593,0
Inuussutissarsiornermik ilinniarfiit	148,4	151,8	142,4	150,5	154,6	166,4	184,2	181,5
Efterskolet aamma ingerlaqqiffiusumik ilinniarfiit	20,0	25,0	25,0	25,0	26,3	27,7	27,7	28,8
Ingerlaqqiffiusumik ilinniarfiit 1)	78,1	81,7	89,5	90,3	100,2	111,9	124,1	123,0
Ilinniartut najugaat	11,7	13,8	13,2	13,2	14,4	14,1	17,2	18,3
Ilinniagaqarnersiutit	155,6	159,6	186,7	191,1	210,0	236,4	241,2	241,4

Malugiuk: 2011-mi missingersuutit pineqarput.

Nassuiaatit: 1) Ilinniarfissuaq, Ilisimatusarfik, højskolit, Eqqumiitsuliornermut Ilinniarfik, Peqqissaanermut Ilinniarfik. Tusagassiornermik Ilinniarfik, Oqaatsinik Pikkorissarfik Sisimiut, PhD-ngorniarneq Ilisimatuussatut ilinniarneq aamma Isumaginninnermi Siunnersortinngorniat Ilinniarfiat (ISI).

Najoqqutaq: Landskarsip naatsorsuutai

2011-mi naatsorsuutit aningaasartuutissatut missingersuutineersuupput, kisitsisit ukiuni siulianeersut aningaasanik naatsorsuutineersuupput.